28 di yüni i 29 di yüni, un tim di Nationale ombudsman lo tin orario di konsulta na Boneiru. Den e periodo ei, e habitantenan por pasa pa hasi pregunta òf entregá keho grátis tokante un instansia (di gobièrnu).
Durante e orario di konsulta, por pasa pa hasi pregunta òf entregá keho, por ehèmpel tokante Servisio di Impuesto, Ministerio Públiko, kuerpo polisial, Entidat Públiko òf Zorg en Jeugd Caribisch Nederland (ZJCN). Aunke personal di Ombudsman pa mucha lo no ta presente e biaha akí, pregunta òf keho dirigí na Ombudsman pa mucha por wòrdu entregá na tur momento.
E orario di konsulta ta:
- Djárason 28 di yüni, 09.00 – 11.30 or, Jong Bonaire
- Djaweps 29 di yüni, 09.00 – 11.00 or, Jong Bonaire
- Djaweps 29 di yüni, 14.30 – 16.30 or, Fundashon Cocari na Rincon
Tur konsulta por tuma lugá sea na hulandes, papiamentu, spañó òf ingles.
Por entregá keho òf pregunta na tur momento
Si bo no ta bai logra pasa durante e orario di konsulta, tin mas manera pa entregá bo pregunta òf keho.
Serka Nationale ombudsman:
- Telefónikamente na +31 70 356 35 63 (disponibel te 11.00 or riba dia di trabou).
- Via WhatsApp na +31800 33 55 555.
- Via e formulario di keho riba nos wèpsait.
Serka Ombudsman pa mucha:
- Telefónikamente na +31 70 8506 995 (disponibel te 11.00 or riba dia di trabou).
- Via WhatsApp na +31 6 27 24 52 79.
- Via e-mail na ombudswerk@kinderombudsman.nl.
