>Riba e página aki bo por lesa e raport na hulandes
Doño di un kompania kaminda por hür outo na Boneiru, ta verhür un outo na un kliente. Riba un anochi e señor akí ta sali heridá for di e outo a konsekuensha di un aksidente di outo formal, kaminda no tabatin otro hende imbolukrá. Siguiente dia e doño ta pidi KPCN pa dato tokante e aksidente. Dato manera ken tabata koriendo e outo anto si e persona ei tabata kore bou di influenshá. E tabatin mester di e prueba akí pa su seguro.
KPCN a manda e doño bai e kompania di seguro i Caribbean Road Service (CRS). CRS a mand’é bai polis bèk. Ademas ta asina ku KPCN únikamente por a kompartí dato kuné si e tabatin un abogado huntu kuné. Pero pa medio di e abogado KPCN a duna e doño un mutashon so. No un prosès verbal, ni tampoko un raportahe. Ta e prueba ei e tabatin mester pa kaso na korte ku lo a tuma lugá na Hulanda. Ya komo ta na Hulanda e hürdó di e outo ta biba.
E doño a entregá un keho na KPCN reklamando ku e no a risibí un prosès verbal. Tambe el a keha serka nan ku nan no a hasi un tèst pa sa si e konduktor, esta e hürdó, tabata bou di influensha di alkohòl. Tambe el a keha tokante e manera kon KPCN a trat’é.
Nationale ombudsman a konkluí ku KPCN no a tum’é na serio. KPCN no a tend’é bon. E defensor di pueblo ta haña ku KPCN mester a traha un prosès verbal. Ya komo ku KPCN no a hasi esei, anto tampoko nan a hasi e tèst di alkohòl, ombudsman ta di opinion ku e doño tabatin ménos prueba na korte. Nationale ombudsman ta deklará tur tres keho fundamentá.
E defensor di pueblo ta rekomendá pa traha un instrukshon di trabou pa aksidentenan den kua tin ún partido só inbolukrá.