Fin di mart i kuminsamentu di aprel, investigadónan di Ombudsman Nashonal ta bai Karibe Hulandes. Nan ta tene konsulta pa tuma keho riba gobernashon, pa tratamentu. Habitante di Bonèiru, St Eustatius i Saba ku tin keho riba gobernashon por akudí serka Ombudsman Nashonal Reinier van Zutphen i su kolaboradónan, na Papiamento 'defensor di pueblo BES'.
Nan ta trata problema ku Servisio di Impuesto, Ministerio Públiko, polis, Entidat Públiko i ‘Rijksdienst Caribisch Nederland’ (RCN). Siudadano por entrega nan keho via e website i via telefòn, pero tambe via kontakto personal. Dos biaha pa aña e investigadónan di Ombudsman Nashonal ta tene konsulta na Bonèiru, St. Eustatius i Saba. E lugá i fechanan lo ser anunsiá ku aviso i spòtnan na radio, tv i Facebook.
Un di e investigashonnan mas resiente Ombudsman a hasi riba e Entidat Públiko Statia. E órgano públiko mester trata na komuniká hopi mihó ku su siudadanonan. Ombudsman a trata kuater kaso. Nan tur ta fundá pasobra e entidat públiko no a reakshoná riba e kehonan i e durashon di e tratamentu anto tabata demasiado largu.
Tambe Ombudsman Nashonal a manda e entidat públiko Bonèiru un karta di preokupashon. Ombudsman Reinier van Zutphen a diskutí su preokupashonnan personalmente ku e dirigentenan na Bonèiru na mitá di mart. E ta bisa: ‘bon komunikashon ta esensial pa komprenshon i rèspèt mutuo entre siudadano i gobernashon.’
Bonaire
Facebook: Ombudsman Nashonal en hulandes karibe
