Di 13 te ku 17 di sèptèmber 2022 e tim di Nationale ombudsman i Kinderombudsman ta na Boneiru atrobe pa nan ora di konsulta. Tur habitante di Boneiru ta bon biní pa pasa durante nan oranan di konsulta pa entregá un keho riba instansianan (gubernamental).
Personanan ku keho riba por ehèmpel Servisio di Impuesto, Entidat Públiko, ZJCN, polis i Ministerio Públiko por akudí grátis serka e tim di Nationale ombudsman i Kinderombudsman durante e siguiente momentunan:
Jeugdhuis Jong Bonaire
- Djamars, 13 di sèptèmber di 9’or pa 11’or di mainta
- Djasabra, 17 di sèptèmber di 9’or pa 11’or di mainta
Fundashon Cocari, Rincon
- Djárason, 14 di sèptèmber di 3.30 or pa 5’or di atardi
Na tur ora di konsulta ta posibel tene un kòmbersashon na Hulandes, Ingles òf Papiamentu.
Entregá keho semper ta posibel
Personanan ku no por akudí na un di e oranan di konsulta por entregá nan pregunta òf keho tambe di otro forma:
Serka Nationale Ombudsman:
- Via e formulario di keho riba nos website;
- Via telefòn +31 70 356 35 63 (alkansabel riba dianan di trabou te 11’or di mainta, tempu di Boneiru);
- Via Skype dor di traha un sita adelantá via e-mail;
- Via WhatsApp.
Serka Kinderombudsman:
- Via telefòn +31 70 8506 995 (alkansabel riba dianan di trabou te 11’or di mèrdia, tempu di Boneiru);
- Dor di manda un mail na ombudswerk@kinderombudsman.nl.
