E petishonario a entregá un keho serka Nationale ombudsman, pasobra e no ta di akuerdo ku e reakshon di Rijksdienst Caribisch Nederland-Unidat Asuntunan Sosial i Empleo (Unidat SZW di RCN) riba su keho. E petishonario ta traha na e unidat SZW di RCN i ta eksperensiá un sintimentu insigur na su trabou. E ta sinti ku su hefe ta pèster e i ta intimid’é. E señora a entregá un keho tokante esaki serka su organisashon. Un komishon di keho a konsehá e unidat SZW di RCN pa deklará e keho hustifiká. E unidat SZW di RCN no ta tuma e konseho ofer i ta deklará e keho sin fondo. E Unidat SZW di RCN ta hasi esaki, pasobra pa deklará ku e keho ta hustifiká lo tin konsekuensha muchu grandi pa e hefe konserní. Nationale ombudsman ta husga ku e unidat SZW di RCN a aktua kontra e eksihensia di imparsialidat, poniendo e interes di e hefe riba e interes di e petishonario. Nationale ombudsman ta deklará ku e keho ta hustifiká.
>Riba e página aki bo por lesa e raport na hulandes