Di 13 te ku 18 di sèptèmber 2021 e tim di Nationale ombudsman i Kinderombudsman ta na Boneiru atrobe ku ora di konsulta. Habitantenan di Boneiru por akudí grátis na e oranan di konsulta pa entregá nan keho riba instansianan (gubernamental).
Pa motibu di e medidanan di Corona e oranan di konsulta personal no por a tuma lugá e último aña i mei. Ainda tin restrikshon pa biaha pa Statia i Saba i p’esei no por a tene ora di konsulta personal. Manera e medidanan ta permití e tim lo bolbe bishitá e islanan pa ora di konsulta.
Nationale ombudsman: “Afortunadamente habitantenan di Boneiru a sa di lokalisá nos di otro un forma tambe durante e pandemia. Pero eksperensia a mustra ku nos ta haña sa di hopi problema ora nos mira i papia ku e habitantenan lokal. Afortunadamente esaki por atrobe.”
Bishita ora di konsulta
Personanan ku keho riba por ehèmpel Servisio di Impuesto, Ministerio Públiko, polis, Entidat Públiko, Kuido i Hubentut Hulanda Karibense i Expertisecenter Onderwijs Zorg Bonaire por akudí grátis serka e tim di Nationale ombudsman i Kinderombudsman durante e siguiente dianan:
-
Jeugdhuis Jong Bonaire
Djaluna 13 di sèptèmber di 9’or pa 11’or di mainta
-
Plaza Francisco Chiku Goeloe in Antriol
Djamars 14 di sèptèmber di 12’or pa 2’or di mèrdia
Djasabra 18 di sèptèmber di 9’or pa 10.30 or di mainta.
-
Fundashon Cocari, Rincon
Djárason 15 di sèptèmber di 3.30 or pa 5’or di atardi
Den tur ora di konsulta ta posibel tene un kòmbersashon na Hulandes, Ingles òf Papiamentu. Representantenan di Kinderombudsman lo ta presente na e oranan di konsulta riba djaluna 13 i djárason 15 di sèptèmber. E tim ta tene kuenta ku e medidanan di Corona i ta sòru pa sufisiente produkto (higiéniko).
Entregá keho semper ta posibel
Personanan ku no por akudí na oranan di konsulta por entregá nan pregunta òf keho tambe di otro forma:
Serka Nationale Ombudsman:
- Via e formulario riba nos website;
- Via telefòn +31 70 356 35 63 (alkansabel riba dianan di trabou te 12’or di mèrdia);
- Via Skype dor di traha un sita adelantá via e-mail;
- Via WhatsApp.
Serka Kinderombudsman:
- Via telefòn +31 70 8506 995 (alkansabel riba dianan di trabou te 12’or di mèrdia tempu di Boneiru);
- Dor di mail ombudswerk@dekinderombudsman.nl.
