Riba 6 di aprel di 9 or te 11 or di mainta (ora lokal) e tim di Nationale ombudsman i Ombudsman pa mucha ta tene nan ora di konsulta telefóniko pa habitantenan di Hulanda Karibense. Tur hende ku ta enfrentá problema ku por ehèmpel Belastingdienst, Ministerio Públiko, Entidat Públiko, JGCN, Rijksdienst Caribisch Nederland òf skol por hasi uso di e ora di konsulta grátis akí pa pidi ayudo.
E ora di konsulta ta tuma lugá pa remplasá e bishita ku tabatin planeá pa kuminsamentu di e aña akí. Nationale ombudsman i Ombudsman pa mucha a planea un bishita na e islanan di Bonèiru, Sint Eustatius i Saba pero e konsekuenshanan mundial di e virus di corona ta hasi esaki imposibel na e momentu akí.
Mèldu delantá
Algu a bai robes entre abo i un instansha gubernamental, opvang pa mucha, skol òf un instansha ku ta ofresé kuido médiko na mucha? Durante e ora di konsulta e tim di Nationale ombudsman i Ombudsman pa mucha gustosamente ta wak kiko nan por hasi pa bo. E ora di konsulta ta tuma lugá na papiamentu, hulandes òf spañó. Pa mèldu delantá pa e ora di konsulta akí mester manda un e-mail. Por manda e e-mail na spreekuurCN@nationaleombudsman.nl. Menshoná bo nòmber, number di telefòn i na ken ta dirigí e pregunta; esta ta dirigí e pregunta na Nationale ombudsman òf na Ombudsman pa mucha? Riba djaluna 6 di aprel entre 9 or i 11 or di mainta (ora lokal) e tim lo tuma kontakto ku bo.
Tokante Nationale ombudsman
Nationale ombudsman por yuda si algu bai malu entre abo i gobièrnu. Pa mas informashon tokante e trabou di Nationale ombudsman, bishitá www.nationaleombudsman.nl/cn òf wak riba e página di Facebook pa Hulanda Karibense di Nationale ombudsman.
Tokante Ombudsman pa mucha
E Ombudsman pa mucha por yuda si algu no bai bon ku e bienestar i e derechonan di mucha. Por ehèmpel si un mucha no ta bai skol, si un famia no haña ayudo si esaki ta nesesario òf si un mucha no haña e kuido médiko ku ta nesesario. Pa mas informashon tokante e trabou di Ombudsman pa mucha, bishitá www.dekinderombudsman.nl òf wak riba e página di Facebook di Ombudsman pa mucha.