Fin di ougùstùs Nationale ombudsman Reinier van Zutphen huntu ku su tim lo bishitá Boneiru. Entre otro lo e tin kòmbersashon ku Eilandssecretaris, direktor di Zorgverzekeringskantoor (ZVK) pa e informá su mes tokante e delaster desaroyonan i haña sa mas tokante investigashonnan konkreto. Tambe lo e tin un enkuentro ku prensa. Su tim tambe lo tei pa investigashonnan ku ta andando i pa un ora di konsulta ku siudadanonan.
Nationale ombudsman a haña mas instrumento pa ta mas visibel pa komunidat i yuda nan riba kaminda ku problemanan ku nan tin ku gobièrnu. Di e forma aki e ta kontribuí ku bon gobernashonnan riba e islanan. E ta hasi e bishita èkstra aki ku un tim nobo.
Éksito
Na 2016 Nationale ombudsman den koperashon ku Raad voor de Rechtshandhaving a hasi un investigashon di e forma ku ta atendé ku keho den e sektor hudisial na Karibe Hulandes. Despues di esaki Ombudsman a hasi un investigashon di e forma ku ta atendé ku keho na Zorgverzekeringskantoor Caribisch Nederland. Durante e periodo ku ta bini lo e hasi investigashon kon e otro instanshanan di gobièrnu ta organisá e parti di atendé ku keho. Por ehèmpel aworakí tin un investigashon di e forma ku kon e departamentu di Imigrashon i Naturalisashon ta atendé ku keho. Di e manera aki gobièrnunan na Karibe Hulandes poko poko lo mehorá nan forma di atendé ku keho. A base di e investigashon ku a hasi na 2017 riba Entidat Públiko Boneiru (OLB) Ombudsman lo trata ku Eilandssecretaris e pasonan konkreto ku lo sigui.
Orario
Enkuentro ku prensa: djaluna 27 di ougùstùs 11.00-11.30 Hotèl Divi Flamingo
Orario di konsulta: djarason 29 di ougùstùs 09.30-12.00 Antriol, Plasa Fransiscu Chiku Goeloe
> Mas informashon por haña riba: Nationale ombudsman Caribisch Nederland
