Bo keho ta importante. P’esei nos ta hasi'é fasil pa bo por entreg'é. Skohe un di e siguiente manera:
- Entreg’é den forma digital.
- Manda nos e formulario di keho ku tin parti patras di e foyeto aki.
- Skirbi nos un karta.
Bo karta òf formulario di keho bo ta manda na:
Bureau Nationale ombudsman
Antwoordnummer 10870
2501 WB Den Haag
Nederland.
Tene e deskripshon di bo problema kòrtiku, pero menshoná en todo kaso:
- Kiko, na bo opinion, Gobièrnu lokal, Rijksdienst Caribisch Nederland, kuerpo polisial òf Ministerio Públiko no ta hasiendo bon?
- Ki otro medida bo a tuma kaba tokante bo keho?
- Kiko ta loke bo kier logra ku nos yudansa?
- Otro datonan: bo adrès, adrès di e-mail i number di telefòn.
Si nos tin mester di mas informashon, nos lo tuma kontakto ku bo.