Awe Nationale ombudsman, Ombudsman pa mucha i Ombudsman pa veterano ta presentá nan relato anual pa 2021 na Parlamento. Nan ta konstatá ku renunsia di e gabinete na kuminsamentu di 2021, elekshon na mart i e formashon largu ku a sigui, tabatin komo konsekuensha un aña di silensio demishonario i introspekshon atministrativo. Hopi desaroyo nesesario a keda wantá. Siudadanonan ta pidi gobièrnu pa tuma akshon.
Nationale ombudsman Reinier van Zutphen ta bisa: "Tabatin muchu tiki desaroyo den e operashon di rekuperashon di kinderopvangtoeslagen i ku maneho di e problemátika di sakamentu di gas na Groningen i Drenthe. Entretantu tin konsientisashon tokante e gravedat di e situashon. Pero e ehekushon ta kompleho i ta dura muchu largu. Nos ta pidi gobièrnu pa kuminsá ku e trayekto pa mehorá despues di e krísis di corona, ku energia i teniendo kuenta ku tur siudadano. Anto evitá ku ‘corona’ lo ta e siguiente operashon di rekuperashon ku pa motibu di inklaridat i falta di progreso lo duna e siudadano ménos na lugá di mas konfiansa den un bon desenlase.”
Na 2021, ainda e medidanan di corona tabatin masha impakto den bida personal di siudadanonan. Gobièrnu a bin ta para na un distansha ainda mas grandi, pero alabes sí e tabatin impakto den bida di siudadanonan, muchanan i veteranonan pa medio di medidanan. Anto dor di e nesesidat pa intervení rápidamente, nan no a paga bon tinu riba e proporshonalidat di e medidanan i e efekto riba bida di mucha i adulto. Entretantu e kantidat di personanan ku no por partisipá mas den sosiedat a krese. Tur esaki a kompliká bida di siudadanonan i a pone konfiansa den gobièrnu ainda mas na prueba.
Trabou na midí no ta e solushon pa mal maneho
Mas konfiansa den gobièrnu ta kuminsá ku un gobièrnu ku ta mustra su mes konfiabel, ku ta aktua debidamente i ku ta pone perspektiva di e siudadano sentral. Tambe e ta protehé e derechonan fundamental di adulto i mucha. Na promé lugá gobièrnu mester hasi un bon trabou. “Mas i mas nos ta tende ku gobièrnu mester ofresé mas trabou na midí. Pero trabou na midí no ta e solushon pa mal maneho. Trabou na midí ta kamuflá un base ku no ta bon, miéntras ta esei mester traha riba dje.” E defensornan di pueblo ta haña krusial ku regla, palabrashon i ehekushon ta konektá ku e siudadano: ta kiko e siudadano tin mester i kon por ehekutá esei pa medio di sistemanan normal i komprendibel.
A bira tempu pa echonan konkreto i rapides
“Ta importante ku gobièrnu ta kuminsa traha riba e temanan ku a keda drumí demasiado largu. A primintí mashá i a traha plan. Awor ta momentu pa echonan konkreto i rapides. E siudadano no por warda.”
Nos ta ofrese bo e resúmen di e relato annual na Papiamento. Check e resumen.
