Siman pasá e tim di Nationale ombudsman i Kinderombudsman a bishitá Saba i Sint-Eustatius. Pa motibu di corona e último bishita na e islanan akí tabata mas ku dos aña pasá. Durante un total di tres ora di konsulta, e tim a kuminsá hasi trámite di mas ku 40 pregunta i keho.
E kehonan i señalnan ku e tim di Nationale ombudsman a risibí ta trata tokante diferente instansha gubernamental, tantu instanshanan di Atministrashon Públiko komo gobièrnu lokal (Entidat Públiko). Un grupo di mayornan a kompartí ku Kinderombudsman nan preokupashon tokante skolnan i protekshon di hóben. Loke tabata remarkabel ta ku habitantenan a trese dilanti diferente keho tokante diferente tema.
E tim tambe a papia ku mayornan soltero i mucha tokante kriansa. E kòmbersashonnan akí tabata mashá balioso pa nos investigashon tokante kriansa den pobresa.
Kordinadó Gaby von Maltzahn: "Tabata bon pa por tei físikamente atrobe. E habitantenan tabatin gran nesesidat pa konta nan historia. Nos a ripará ku nos presensia físiko i visibilidad ta kondishonnan pa nos por traha afsprak mas fásil ku e habitantenan.”
Lógikamente e tim di Nationale ombudsman i Kinderombudsman tambe ta trata tur keho i señal ku a drenta di manera digital. Kaminda ta nesesario, nan ta involukrá e instanshanan gubernamental konserniente pa trata e keho korektamente.
Oranan di konsulta na Boneiru
For di 8 di mart e tim di Nationale ombudsman i Kinderombudsman lo ta na Boneiru atrobe. Pronto lo publiká lugánan i orarionan. Tambe lo por lesa esakinan na nationaleombudsman.nl/caribisch-nederland i dekinderombudsman.nl.