E krísis okashoná pa COVID-19 i e medidanan tumá, tin un impakto enorme den nos pais. Nationale ombudsman, Ombudsman pa mucha i Ombudsman pa veterano ta mira ku Rijskoverheid, munisipionan, profeshonalnan den kuido, servisionan di ayudo, industria i komèrsio anto hopi otro mas, na Hulanda i den eksterior, ta traha tur ku tin pa limitá e vírus, enfrentá e konsekuenshanan i sòru pa e pais por keda funshoná. Ta introdusí, i si ta nesesario adaptá, tur tipo di medida di urgensia pa apoyá siudadanonan i kompanianan. Esaki ta duna muestra di kreatividat i kurashi.
Último simannan nos a risibí señal i preguntanan tokante aksesibilidat di gobièrnu, e servisio adaptá, inklaridat tokante e medidanan, fasilitashon di entrada anto inklaridat tokante komunikashon di gobièrnu. Nos ta konsiente ku durante e periodo benidero kos no semper lo kana di e manera ku a spera òf fèrwagt. Sinembargo, den e situashon eksepshonal akí i kaminda tin mester nos lo sigui pidi atenshon pa gruponan di siudadano ku ta den apuro manera empresarionan, muchanan, grandinan, esnan ku ta kuida otronan (mantelzorgers) i veteranonan. Ta importante ku medidanan tumá dor di gobièrnu aworakí ta sali di mihó manera posibel pa tur esnan ku tin mester di un man.
