E Belastingdienst Caribisch Nederland (BCN) ta aseptá un rekomendashón di Ombudsman Nashonal i ta tene un funshón di kaha habrí. Asosiashón di konsumidó Unkobon a entregá un kehu serka Ombudsman Nashonal pasobra BCN na Boneiru a sera e funshón di kaha kompletamente. Hende por a paga solamente via transferénsha elektróniko òf paga kèsh na banku. Ombudsman ta hanja e seramentu di tur kaha, sin posibilidát alternativo, no manera mester ta.
Reakshonando riba e investigashón di Ombudsman Belastingdienst a buska huntu ku Girobank un solushón gratis. Desde 1 di januári e habitantenan por paga kèsh, sin kosto, na Girobank. Esaki ta konta pa tur pagu na kuenta di Belastingdienst (pues tambe pa pagu na OLB, Voogdijraad i OM).
Trasfondo
Na Boneiru un grupo grandi di habitante tin un entrada abou. Hende pavía di esaki no sèmper tin akséso fásil na internèt. Tambe no ta tur hende tin un kuenta di banku. E hendenan aki mester depositá plaka kèsh na banku, después di kual e banku ta pasa e plaka pa BCN. Tin gastu envolvé ku esaki. E Ombudsman ta konkluí ku BCN no a pone e interesnan di e grupo aki sufisientemente den balansa den su desishón pa elimina e funshón di kaha kompletamente. Ombudsman a tuma nota i ta di akuerdo ku mientras tanto ta ofresé un alternativa.
