Maneho di keho pa munisipio, provisia i atministradó di awa públiko

Nationale ombudsman tambe ta e ombudsman pa tur provinsia i atministradónan di awa públiko, anto pa tres kuart di e munisipionan. Kiko mandatarionan lokal i esnan ku ta manehá keho ta ferwagt di Nationale ombudsman?

Kon Nationale ombudsman por kumpli ku su funshon komo interlokutor lokal di manera mas efektivo?

Yentl van Bakel, konsehero hurídiko na munisipio Bergeijk ta bisa:

“Esun ku ta manehá keho lokal ta aserká Nationale ombudsman pa konseho, pa haña e kaminda ku e mester kana. Lo ta bon si lo por establesé e kontakto ainda mas lihé i mas fásil. Mas lihé Ombudsman yuda esnan ku ta manehá keho lokal, mas grandi e chèns ku ta resolvé un kaso promé ku e situashon eskalá.

Pa nos Ombudsman ta un interlokutor ku no ta pará riba nos, pero banda di nos. Kuné nos por diskutí idea, duda i problema sin prehuisio. Den esaki nos no ta fèrwagt ku Ombudsman ta konfirmá nos manera di aktua, pero hustamente nos ke un aktitut krítiko pa ku esun, den kual kaso e organisashon, ku ta manehá e keho. Anto no ku ta yuda únikamente pa loke ta trata e kaso en kuestion, pero den futuro tambe.”

Pa loke ta trata e miembronan di konseho munisipal ta kiko e balor agregá di Nationale ombudsman ta?

Bahreddine Belhaj, presidente di direktiva di Nederlandse Vereniging voor Raadsleden:

“Un miembro di konseho munisipal, na promé lugá ta un representante di e pueblo. Den e funshon ei nan ta keda aserká regularmente pa habitantenan. Frekuentemente ta trata di asuntunan ku tin di aber entre e habitante i e munisipio. E miembro di konseho por mustra e persona ta kua kaminda e mester kana na stateis. Pero hopi biaha ei kos ta stòp. Na momentu ku un miembro di konseho asumí e ròl di konsehero di e habitante, esaki por afektá su integridat. Anto ta ei bo ta haña e balor agregá di e ombudsman. E por duna e habitante indivudual akí algu di tene na dje na momentu ku munisipio no kumpli. Durante e informe anual Ombudsman por señalá problema ku tin den e servisio munisipal i atendé miembro di konseho riba esaki, pa esaki keda solushoná lihé.”

Kon e miembronan di konseho lokal i Nationale ombudsman por siña di otro?

Jolanda Meijer, concernklachtcoördinator di munisipio di Utrecht:

“Den e ‘mundu di keho’ tin mashá konosementu entre e profeshonalnan. Anto kompartiendo e konosementu akí bo por fortalesé otro. Por hasi esaki papiando tokante e kasonan (difísil) òf trènt i análisis. Pero loke tambe ta importante ta un bon sistema di maneho di keho. Esaki ta duna un bon bista di e kantidat di keho i e temanan tokante kua ta keha. Na e munisipio di Utrecht nos a invertí bastante durante e último añanan. Danki na e asina yamá helikopterview ku Nationale ombudsman regularmente ta apliká na maneho di keho di segundo liña, ta wak e dosié di nèt un otro manera. Frekuentemente e punto di bista akí ta kondusí na un apertura den un ‘disputa’, ku tin biaha ya tei pa hopi tempu. Komo instansha gubernamental ta bon pa siña di esaki.”

Komo empleado di Nationale ombudsman ta kua ta e preguntanan di mas importante ku bo ta haña, durante e bishitanan na kolegio di B&W?

Jan Prins, kordinadó lokal di Nationale ombudsman:

“Komo ombudsman nos ta gusta wak i tende loke ta pasa lokalmente. Den e kòmbersashonnan ku nos tin, tin diferente aspekto di maneho di keho ta bini dilanti. Preguntanan importante ku ta keda hasí ta entre otro:

• Kua posibilidat tin pa siña di keho?
  
• Kon munisipionan bo trata ‘siudadanonan ku ta puntra hopi’ debidamente?
• Kon munisipionan por tene bista riba keho tokante tareanan ku ta keda ehekutá pa otronan manera areglonan mutuo òf instanshanan privá?
• Unda e límite di derecho pa keha ta?

E kòmbersashonnan ku mandatarionan lokal tin un funshon di señal masha importante pa Nationale ombudsman. Di e manera akí e ta mantené kontakto ku loke ta sosodé den pais.”